Duplex majus
Introitus Gal. 6,14
Mihi autem absit gloriári,
nisi in Cruce Dómini nostri Jesu Christi: per quem mihi mundus crucifíxus
est, et ego mundo. Ps. 141,2 Voce
mea ad Dóminum clamávi: voce mea ad Dóminum deprecátus
sum. V.Glória
Patri. Mihi.
Oratio
Dómine Jesu Christe, qui, frigescénte mundo, ad inflammándum corda nostra tui amóris igne, in carne beatíssimi Francísci passiónis tuæ sacra stígmata renovásti: concéde propítius; ut ejus méritis et précibus crucem júgiter ferámus, et dignos fructus poeniténtiæ faciámus: Qui vivis.
Léctio Epístolæ beáti Pauli Apóstoli ad Gálatas
Gal. 6,14-18
Fratres: Mihi autem absit gloriári, nisi in cruce Dómini nostri Jesu Christi: per quem mihi mundus crucifíxus est, et ego mundo. In Christo enim Jesu neque circumcísio áliquid valet, neque præpútium, set nova creatúra. Et quicúumque hanc régulam secúti fúerint, pax super illos, et misericórdia, et super Israël Dei. De cétero nemo mihi moléstus sit: ego enim stígmata Dómini Jesu in córpore meo porto. Grátia Dómini nostri Jesu Christi cum spíritu vestro, fratres. Amen.
Graduale Ps. 36, 30-31 Os
justi meditábitur sapiétiam, et lingua ejus loquétur
judícium. V.
Lex Dei ejus in corde ipsíus: et non supplantabúntur gressus
ejus.
Allelúja, allelúja. V.
Francíscus pauper et húmilis, cælum dives ingréditur,
hymnis cæléstibus honorátur. Allelúja.
¶ In Missis votivis Temporte Paschali omittitur Graduale, et ejus loco dicitur:
Allelúja, allelúja. V.
Francíscus pauper et húmilis, cælum dives ingréditur,
hymnis cæléstibus honorátur. Allelúja.
V. Ps. 111,1 Beátus vir, qui timet
Dóminum: in mandátis ejus cupt nimis. Allelúja.
+ Sequéntia sancti Evangélii secúndum Matthæum
Matth. 11, 25-30
In illo témpore: Respóndens Jesus, dixit: Confíteor tibi, Pater, Dómine cæli et terræ, quia abscondísti hæc a sapiéntibus et prudéntibus, et revelásti ea párvulis. Ita Pater: quóniam sic fuit plácitum ante te. Omnia mihi trádita sunt a Patre meo. Et nemo novit Fílium, nisi Pater: neque Patrem quis novit, nisi Fílius, et cui volúerit Fílius reveláre. Veníte ad me omnes, qui laborátis, et oneráti estis, et ego refíciam vos. Tóllite jugum meum super vos, et díscete a me, quia mitis sum, et húmilis corde: et inveniétis réquiem animábus vestris. Jugum enim meum suáva est, et onus meum leve.
Offertorim Ps. 88,25 Véritas mea, et misericórdia mea cum ipso: et in nómine meo exaltábitur cornu ejus.
Secreta
Múnera tibi, Domíne, dicáta santífica: et, intercedénte beáto Francísco, ab omni nos culpárum labe purífica. Per Dóminum.
Communio Luc. 12, 42 Fidélis servus et prudens, quem constítuit dóminus super famíliam suam: ut det illis in témpore trítici mensúram.
Postcommunio
Ecclésiam tuam, quæsumus, Dómine, grátia cælestis amplíficet: quam beáti Francísci Confessóris tui illumináre voluísti gloriósis méritis, et exémplis. Per Dóminum.